កាលពីថ្ងៃទី ១៣ ខែកុម្ភៈ ឆ្នាំ ២០២២ មានហេតុការណ៍គ្រោះថ្នាក់មួយ ដោយមានឡានដឹកមឈូសមួយបានក្រឡាប់ធ្លាក់ផ្លូវ របូតមឈូសធ្លាក់រាយប៉ាតពេញទឹកពេញដី តែអ្នកស្រុកក្បែរនោះ បែរជាផ្អើលទៅមើលស្លាកលេខឡាម រួចនាំគ្នាយកទៅចាក់ឆ្នោតលាន់។
តាមព័ត៌មានបានឱ្យដឹងថា ឡានមួយគ្រឿងនេះ បានដឹកមឈូសទៅឱ្យបុណ្យមួយនាតំបន់ថាទូម ប្រទេសថៃ តែមិនទាន់ធ្វើដំណើរទៅដល់ផង ក៏បានមកប្រសព្វគ្រោះថ្នាក់មុននៅខេត្តសុរិន្ទ បណ្តាលឱ្យធ្លាក់មឈូសរាយប៉ាយបាក់បែកខ្ទេចអស់។
យ៉ាងណាមិញ ក្រោយពីព័ត៌មាននៃគ្រោះថ្នាក់មួយនេះ ត្រូវបានគេចែកចាយ ស្រាប់តែមានអ្នកចាប់អារម្មណ៍រឿងស្លាកលេខជាច្រើន ជាពិសេសគឺអ្នកស្រុកក្បែរនោះតែម្តង ដោយពួកគេគិតថា ហេតុការណ៍បែបនេះមិនដែលងាយកើតនោះទេ។
ក្នុងនោះ គេបានសង្កេតឃើញមានលេខ ៣២៥ នៅលើក្តារមឈូសទាំងនោះ ព្រមទាំងផ្លាកលេខឡាន ៥៩២ និង លេខផ្លូវគឺ ២១៤ រួចក៏យកទៅកាត់ចុះកាត់ឡើងតាមការយល់ឃើញ និង ចុងក្រោយយកទៅទិញឆ្នោត ចាក់ឆ្នោតតាមនោះឯង។
យ៉ាងណាមិញ ពួកអ្នកចាក់ឆ្នោតតាមនោះ មា្នក់ៗនាំគ្នាសង្ឃឹមថានឹងបានត្រូវតាមបំណង ព្រោះសេដ្ឋកិច្ចរបស់ពួកគេម្នាក់ៗនៅពេលនេះគឺមិនសូវជាកាក់កបប៉ុន្មាននោះទេ ហើយប្រសិនបើត្រូវមែននោះ គេនឹងនាំគ្នាយកលុយនោះទៅធ្វើបុណ្យរំដោះគ្រោះឱ្យម្ចាស់ឡានថែមទៀតផង៕
0 comments:
Post a Comment