កាលពីថ្ងៃទី ៣ ខែកុម្ភៈ ឆ្នាំ ២០២២ កន្លងទៅ ហេតុការណ៍មួយបានធ្វើឱ្យមហាជនថៃកើតក្តីអាណិតជាពន់ពេក ព្រោះតែបុរសម្នាក់ដាច់ចិត្តដុតសម្លាប់ខ្លួនឯងក្នុងឡានជាមួយកូនប្រុសអាយុ ៤ ឆ្នាំ តែចុងក្រោយគួរឱ្យស្រណោះ កូនប្រុសរូបនេះប្រឹងដង្ហោយឱ្យគេជួយឪពុកខ្លួន រហូតដល់ផុតដង្ហើមខ្លួនឯង។
ហេតុការណ៍មួយនេះបានកើតឡើងនៅថ្ងៃទី ៣ ខែកុម្ភៈ ឆ្នាំ ២០២២ កន្លងទៅ នៅខេត្តប៉ាក់ធុមថានី ប្រទេសថៃ ដោយបុរសម្នាក់នេះមានអាយុ ៦០ ឆ្នាំទៅហើយ ហើយនៅថ្ងៃកើតហេតុគេបានទៅហៅកូនប្រុសរបស់ខ្លួនដែលតែងតែផ្ញើឱ្យអ្នកជិតខាងជួយមើល មកឡើងជិះឡានជាមួយ រួចជិះទៅយកសាំងនៅជិតផ្ទះបងប្អូនមួយទៀត។
បន្ទាប់មកបុរសរូបនេះ ក៏បើកមកម្តុំផ្ទះខ្លួនវិញ រួចចុះទៅទិញដែកកេះទាំងទឹកមុខពិបាកចិត្ត ថែមទាំងមិនព្រមនិយាយស្តីជាមួយអ្នកណាឡើយ។ តាមអ្នកនៅកន្លែងកើតហេតុបានឱ្យដឹងថា មិនយូរប៉ុន្មានប្រហែល ៥ នាទីក្រោយមក ស្រាប់តែកូនប្រុសអាយុ ៤ ឆ្នាំនោះ ក៏បានចុះពីលើឡានមកទាំងសភាពឆាបឆេះពេញខ្លួន រួចដើរស្រែកហៅឱ្យគេជួយឪពុករបស់ខ្លួន ទាំងមិនគិតពីខ្លួនឯងឡើយ។
ក្រោយមកខាងក៏មានខាងគ្រូពេទ្យចុះមកជួយក្មេងប្រុសរូបនេះ រួមទាំងឪពុករបស់គេ ហើយខណៈទៅដល់មន្ទីរពេទ្យហើយ គេក៏នៅតែដង្ហោយឱ្យគេជួយឪពុកខ្លួនមិនដាច់ឡើយ តែគួរឱ្យសោកស្តាយគេក៏បានបាត់បង់ជីវិតទៅ ហើយឪពុកក៏បានរងរបួសធ្ងន់ធ្ងរ។
យ៉ាងណាមិញ តាមព័ត៌មានបានឱ្យដឹងថា បុរសម្នាក់នេះបានឈ្លោះទាស់ទែងលែងលះជាមួយភរិយា ហើយក្រោយមកថែមទាំងបានបើកឡានទៅបុកគេស្លាប់ទៀត ទើបកើតការពិបាកចិត្តតប់ប្រមល់ដល់ថ្នាក់បញ្ចប់ជីវិតខ្លួនឯង និង កូនបែបនេះ៕
0 comments:
Post a Comment