បង្ហាញសម្រស់កូនប្រុសស្រីរបស់ យ៉ែម សំអូន ស្អាតៗណាស់ ឯឈ្មោះពីរោះៗមិនធម្មតា ~ FRESHDAILY

ត្រឹមតែមួយប៉ព្រិចភ្នែកសោះ តារាចម្រៀង និង សម្ដែងរូបសង្ហា យ៉ែម សំអូន មានកូនប្រុសស្រីធំពេញកំលោះក្រមុំទន្ទឹមខ្លួនបាត់ទៅហើយ។

និយាយដលើរឿងកូនៗ កន្លងមកប្រិយមិត្តភាគច្រើនធ្លាប់តែបានដឹងថា យ៉ែម សំអូន មានកូនស្រីតែម្នាក់ ដែលជាតំណក់ឈាមរួមគ្នាជាមួយអតីតភរិយាអ្នកនាង យ៉ាន់ លីនដា ប៉ុណ្ណោះ តែក្រោយមកតារាចម្រៀងរូបនេះ បានចេញមុខទម្លាយនៅលើបណ្ដាញសង្គមហ្វេសប៊ុក លោកមានកូនប្រុសម្នាក់ទៀត ដែលរូបគេមានរូបរាងស្រស់សង្ហា ចំណែកមុខមាត់មាត់មន្តស្នេហ៍ទាក់ចិត្តស្រីៗមិនណយនោះទេ។

រឿងដែលគួរឱ្យចាប់អារម្មណ៍ កូនប្រុសស្រីរបស់តារាចម្រៀង យ៉ែម សំអូន ក៏មានឈ្មោះពីរោះៗខ្លាំង ដែលកូនស្រីឈ្មោះថា សំអូន វិថាណា និង កូនប្រុសឈ្មោះថា សំអូន ជលសា ពេលនេះពួកគេទាំងពីរបានធំពេញរូបពេញរាងក្លាយជាស្រីស្អាតប្រុសសង្ហាអស់ទៅហើយ។

យ៉ែម សំអូន ស្រឡាញ់កូនប្រុសស្រីទាំងពីរនេះខ្លាំងណាស់ និង ចាត់ទុកពួកគេគឺជាកែវភ្នែកទាំងគូរបស់លោកថែមទៀត។ នៅថ្ងៃ ២២ ខែ កុម្ភៈ ២០២២ ជាថ្ងៃគូ ខែគូ ឆ្នាំគូ យែម សំអូន បានបង្ហោះរូបថតកូនៗ ព្រមទាំងភ្ជាប់ជាមួយសារថា ៖ «22_02_2022 ថ្ងៃល្អកម្ររកបាន សម្រាប់ក្រុមគ្រួសារ និងមនុស្សជាទីស្រឡាញ់ទាំងអស់ ថ្ងៃនេះប៉ាប៉ាសូមជូនពរកូនប្រុសកូនស្រីទាំងពីរ ដែលជាកែវភ្នែកទាំងគូ ប៉ាប៉ា សូមឱ្យកូនមានសុខភាពល្អ សំណាងល្អ និង មានភាពជោគជ័យនៅក្នុងជីវិតណាកូនប៉ា ជាពិសេសសូមជូនពរចំពោះបងប្អូនខ្មែរទាំងអស់សូមឱ្យមានសុខភាពល្អសំណាងល្អគ្រប់ៗគ្នា កែវភ្នែករបស់ប៉ា សំអូន វិថាណា & សំអូន ជលសា»៕