អាចជារឿងដ៏ភ្ញាក់ផ្អើលមួយសម្រាប់មហាជនអ្នកដែលតាមដានរឿងរ៉ាវករណីស្លាប់របស់តារាសម្ដែងស្រី Tangmo Nida ដែលបានធ្លាក់ពីលើទូកស្លាប់កាលពីថ្ងៃទី ២៤ ខែកុម្ភៈ ឆ្នាំ ២០២២ កន្លងទៅ ដោយនៅថ្ងៃទី ០៤ ខែមីនា ឆ្នាំ ២០២២ នេះ ស្រាប់តែអ្នកស្រី Panida ដែលត្រូវជាម្ដាយបង្កើតរបស់តារាស្រី Tangmo នោះ បានចេញមកសម្ភាសជាលើកដំបូងក្នុងកម្មវិធី ហូនកាសែ (โหนกระแส) ដោយបានទម្លាយរឿងលោកស្រីបានទទួលលុយជំនួយពីមិត្តម្នាក់ក្នុងចំណោម ៥ នាក់ នៅលើទូកចំនួន ៣០ លានបាត ដែលប្រមាណជិត ១ លានដុល្លារអាមេរិក។
សម្រាប់លុយចំនួន ៣០ លានបាតនេះ គឺកើតចេញពីទឹកចិត្តរបស់ហាយសូរ Poh ដែលជាមិត្តភក្តិម្នាក់ក្នុងចំណោម ៥ នាក់ នៅលើទូកដែលបានព្រមជួយលោកស្រី សម្រាប់ជាការចាត់ចែងបុណ្យ។ លុយចំនួន ៣០ លានបាត ទម្លាយក្នុងបទសម្ភាសលោកស្រី Panida គឺបានយកចំនួនសន្មតអាយុដែលតារាស្រី Tangmo នៅរស់ យកទៅគុណជាមួយនឹងប្រាក់ចំណូលដែលនាងរកបានក្នុងមួយរឿង ទឹកលុយនេះគឺពុំគិតលើថ្លៃថតម៉ូដ ឬ កម្មវិធីផ្សេងឡើយ។ ដូចនេះ លុយរកបានក្នុងមួយរឿង ១ លានបាត គុណជាមួយនឹងអាយុសន្មតដែល Tangmo អាចនៅរស់ ៣០ ឆ្នាំ គឺស្មើនឹង ៣០ លានបាត។
ក្រោយពីទម្លាយចំនួនទឹកប្រាក់នេះហើយ លោក Num Kanchai ហាក់មានការភ្ញាក់ផ្អើល ហើយក៏បានសួរភ្លាមៗទៅកាន់លោកស្រី Panida ជុំវិញមូលហេតុនៃការទទួលប្រាក់នេះ និង សំណួរចោទពីមហាជនជុំវិញការរិះគន់ពីមហាជន។ ថ្លែងក្នុងបទសម្ភាសជាមួយនឹងលោក Num Kanchai លោកស្រី Panida បានបញ្ជាក់ច្បាស់ៗថា មូលហេតុដែលលោកស្រីព្រមទទួលលុយពីលោក Poh ក៏ព្រោះតែលោកស្រីមើលឃើញពីអត្តចរិតស្លូតបូត សុភាពរាបសាររបស់ Poh ដែលជាមនុស្សប្រុសម្នាក់ល្អ និង សុភាពបំផុតក្នុងចំណោមមនុស្សប្រុសដែលលោកស្រីបានស្គាល់។
ចាប់តាំងតែថ្ងៃកើតហេតុមកទល់ពេលនេះ Poh គឺជាមនុស្សម្នាក់គត់ដែលធ្វើឱ្យស្រីមានទំនុកចិត្ត លោក Poh តែងតែទូរសព្ទមកសម្ដែងការសោកស្តាយ និង សុំការអភ័យទោសជាមួយលោកស្រីរាល់ថ្ងៃ ដូចនេះហើយបានលោកស្រីព្រមលើកទោសឱ្យ Poh ១០០ ភាគរយតែម្តង ណាមួយលោកស្រីបានឃើញពីចេតនារបស់លោក Poh ថាជាមនុស្សសុភាពពិតមែន។ លើសពីនោះលោកស្រី Panida បានបន្តថា សម្រាប់រឿងក្ដីគឺនៅតែដំណើរការធម្មតា វាពុំពាក់ព័ន្ធជាមួយនឹងទឹកលុយនេះឡើយ៕
0 comments:
Post a Comment