ក្រសួងអប់រំ យុវជន និង កីឡា នៅថ្ងៃទី ១៤ កុម្ភៈ ឆ្នាំ ២០២២ នេះ បានចេញសេចក្ដីជូនដំណឹង ស្ដីពី ការអញ្ជើញមកទទួលយកវិញ្ញាបនបត្របណ្តោះអាសន្ន មធ្យមសិក្សាទុតិយភូមិ សម័យប្រឡង ២៧ ធ្នូ ២០២១។
ក្នុងនោះ ក្រសួងអប់រំ យុវជន និង កីឡា បានបញ្ជាក់ឱ្យដឹងថា ខាងក្រសួង បានផលិតវិញ្ញាបនបត្របណ្តោះអាសន្ន មធ្យមសិក្សាទុតិយភូមិ សម័យប្រឡង ៖ ២៧ ធ្នូ ២០២១ រួចរាល់ហើយ សម្រាប់ចែកជូនបេក្ខជន ដែលបានប្រឡងជាប់ដោយឥតគិតថ្លៃ និង យកទៅប្រើប្រាស់តាមច្បាប់អនុញ្ញាត។
អាស្រ័យដូចបានជម្រាបជូននេះ សូមទទួលយកវិញ្ញាបនបត្របណ្តោះអាសន្ន មធ្យមសិក្សាទុតិយភូមិ សម័យប្រឡង ៖ ២៧ ធ្នូ ២០២១ នៅនាយកដ្ឋានកិច្ចការប្រឡង ចាប់ពីថ្ងៃទី ១៤ ខែកុម្ភៈ ឆ្នាំ ២០២២ តទៅ។ ដោយឡែក ប្រធានមន្ទីរអប់រំ យុវជន និង កីឡារាជធានី ខេត្ត ត្រូវប្រជុំថ្នាក់ដឹកនាំ មន្ត្រីជំនាញរបស់មន្ទីរ និង នាយក នាយិកាគ្រឹះស្ថានមធ្យមសិក្សា ដែលមានបេក្ខជនទើបប្រឡងជាប់ ដើម្បីរៀបចំយន្តការចែកវិញ្ញាបនបត្របណ្ដោះអាសន្ន និង ធ្វើសេចក្តីជូនដំណឹងលម្អិតបន្ថែម សំដៅអនុវត្តខ្លឹមសារ ប្រកបដោយស្មារតីទទួលខុសត្រូវខ្ពស់៕
សូមអានសេចក្ដីលម្អិតនៅខាងក្រោម ៖
0 comments:
Post a Comment