រដ្ឋបាលរាជធានីភ្នំពេញ បានចេញសេចក្តីជូនដំណឹងស្តីពីការបញ្ចៀសចរាចរយានយន្តគ្រប់ប្រភេទជាបណ្ដោះអាសន្ន ក្នុងពិធីសម្ពោធដាក់ឱ្យប្រើប្រាស់អគារ នៃមន្ទីរពេទ្យព្រះអង្គឌួង នៅថ្ងៃទី ២៨ ខែមីនា ឆ្នាំ ២០២២ ចាប់ពីម៉ោង ០៥:០០ នាទី ស្ថិតនៅភូមិ ៩ សង្កាត់ ផ្សារថ្មីទី ១ ខណ្ឌដូនពេញ រាជធានីភ្នំពេញ។
ក្នុងនោះរដ្ឋបាលរាជធានី បានបញ្ជាក់ឱ្យបានដឹងថា ដើម្បីឱ្យកម្មវិធីខាងលើ ប្រព្រឹត្តទៅដោយរលូន រក្សាបាននូវសន្តិសុខ សុវត្ថិភាព សណ្ដាប់ធ្នាប់ និង របៀបរៀបរយ សាធារណៈ រដ្ឋបាលរាជធានីភ្នំពេញ ធ្វើការបញ្ចៀសចរាចរ និង ផ្អាកចរាចរជាបណ្តោះអាសន្ន ជុំវិញទីតាំងប្រារព្ធពិធី រហូតដល់បញ្ចប់កម្មវិធី ដោយមិនអនុញ្ញាតឱ្យយានជំនិះគ្រប់ប្រភេទ ឆ្លងកាត់ផ្លូវដូចខាងក្រោម ៖
– កំណាត់មហាវិថីព្រះនរោត្ដម ចាប់ពី វិថីឧកញ៉ាអុឹងប៊ុនហ៊ូវ (ផ្លូវលេខ ១០៨) ដល់វិថីខេមរភូមិន្ទ (ផ្លូវលេខ ១៣០)
– កំណាត់វិថីព្រះអង្គឌួង (ផ្លូវលេខ ១១០) ចាប់ពីវិថីប៉ាស្ទ័រ (ផ្លូវលេខ ៥១) ដល់វិថីព្រះអង្គយុគន្ធរ (ផ្លូវលេខ ១៩)
– កំណាត់វិថីក្រមួនស (ផ្លូវ៉លេខ ១១០) ចាប់ពីវិថីប៉ាស្ទ័រ (ផ្លូវលេខ ៥១) ដល់មហាវិថីព្រះនរោត្តម
– កំណាត់វិថីព្រះជ័យជេដ្ឋា (ផ្លូវលេខ ១១៨) ចាប់ពីវិថីប៉ាស្ទ័រ (ផ្លូវលេខ ៥១) ដល់វិថីព្រះអង្គយុគន្ធរ (ផ្លូវលេខ ១៩)
– កំណាត់វីថីព្រៃនគរ (ផ្លូវលេខ ១២៦) ចាប់ពីវីថីប៉ាស្ទ័រ (ផ្លូវលេខ ៥១) ដល់មហាវិថីព្រះនរោត្តម។
អាស្រ័យហេតុនេះ សូមបងប្អូនដែលធ្វើដំណើរ ឆ្លងកាត់តាមដងផ្លូវខាងលើ មេត្តាជ្រាប យោគយល់អធ្យាស្រ័យ និងបញ្ចៀសការធ្វើដំណើរឆ្លងកាត់ទីតាំងប្រារព្ធពិធីតាមកាលបំរិច្ឆេទខាងលើដោយអនុគ្រោះ ខណៈផុតរយៈពេលហាមឃាត់បណ្តោះអាសន្ន រដ្ឋបាលរាជធានីភ្នំពេញ នឹងបើកឱ្យចរាចរជាធម្មតាវិញ៕
សូមអានសេចក្ដីលម្អិតដូចខាងក្រោម ៖
0 comments:
Post a Comment