ជារឿងដ៏គួរឱ្យរំភើបចិត្ត ចំពោះមហាជន ក៏ដូចជាប្អូនប្រុសរុញរទេះលៀសហាលភ្លៀងកាលពីថ្ងៃមុន ដោយនៅថ្ងៃទី ២២ ខែមីនា ឆ្នាំ ២០២២ តាមរយៈផេកផ្លូវការ ឧកញ៉ា ខេមរៈ សេរីមន្ត បានប្រកាសរកដំណឹងពីប្អូនប្រុស ដើម្បីផ្ដល់ជំនួយ ដោយបានបញ្ជាក់ថា ៖ «មានបងប្អូនណាស្គាល់ផ្ទះ ឬ លេខទូរស័ព្ទប្អូនម្នាក់នេះទេ ខ្ញុំពេញចិត្តការតស៊ូរបស់គាត់ចង់ជួយគាត់»។
គួររំឭកផងដែរថា ទាក់ទិនទៅនឹងរឿងប្អូនប្រុស កាលពីថ្ងៃទី ២២ ខែមីនា ឆ្នាំ ២០២២ កន្លងទៅ មហាជននៅក្នុងបណ្ដាញសង្គមហ្វេសប៊ុក និង Tiktok បាននាំគ្នាផ្ទុះការចាប់អារម្មណ៍ សម្ដែងក្ដីរំជួលចិត្ត អាណិតក្មេងប្រុសលក់លៀសហាល ដែលបានអង្គុយដោយក្ដីអស់សង្ឃឹម ក្រោយភ្លៀងធ្លាក់ទទឹករទេះលៀសហាលអស់ គួរឱ្យអាណិតអាសូរបំផុត។
ដោយឡែក សកម្មភាពបែបនេះ ត្រូវបានមហាជនចែករំលែកបន្តព្រោងព្រាត ចេញពីគណនីឈ្មោះ Rax MP ក្នុងបណ្ដាញសង្គម Tiktok ដោយបានបង្ហាញពីសកម្មភាពក្មេងប្រុសអង្គុយក្បែរទេះលៀសហាល នៅបណ្ដោយផ្លូវលេខ ៣៣០ កែងវិថីសហភាពអឺរ៉ុប យ៉ាងអស់សង្ឃឹម ក្រោយមិនទាន់បានលក់លៀសអស់ផង បែរមកត្រូវទឹកភ្លៀងទទឹកអស់ គួរឱ្យសោកស្ដាយជំនួស៕
0 comments:
Post a Comment